२०८१ मंसिर ६, बिहिबार
४९६ पाठक संख्या बिदुर खडका
बारा, १० असारः कोरोना महामारी र लकडाउनको मारमा परेका विपन्न तथा असहाय परिवारलाई नेपाल रेडक्रस सोसाईटी सिमरा शाखाको पहलमा राहत रकम वितरण गरिएको छ । बारा को ४ वटा नगरपालिकाहरूका अति बिपंन्न असहाय परिवारलाई नगद रु ५ हजारका दरले सहयोग गरिएको हो । रकम पाउनेहरूमा जीतपुरसिमरा उपमहानगरपालिकाका सुत्केरी, अपाङ्ग, र विपन्न रहेका छन् । यस पालिकाभित्रका ३२ परिवारलाई नगद ५ हजारका दरले राहत रकम बितरण गरिएको रेडक्रस सिमरा शाखाका प्रमुख शिव शर्माले बताउनुभयो ।
राहतका लागि रेडक्रसको छनोटमा परेका नगरहरूमा जीतपुर सिमरा उपमहागरपालिका, नीजगढ नगरपालिका, गढीमाई नगरपालिका , पचरौता नगरपालिका रहेका छन् । कुल १सय २० घरपरिवारलई ५ हजारका दरले सहयोग गरेको शर्माको भनाई छ ।
