यस वर्षको खेलकुद पत्रकारिता पुरस्कार पत्रकार आचार्यलाई

२०७८ अषाढ १९, शनिबार मा प्रकाशित (३ साल अघि) ७५१ पाठक संख्या

सिमरा, १९ असारः नेपाल खेलकुद पत्रकार मञ्च बाराले प्रदान गर्ने खेलकुद पत्रकारिता पुरस्कार २०७७’ पत्रकार अविनाश आचार्यलाई प्रदान गर्ने निर्णय गरेको छ ।शनिवार बाराको सिमरामा नेपाल खेलकुद पत्रकार मञ्च बाराका अध्यक्ष सुनिल गाउँलेको अधयक्षतामा सम्पन्न वैठकले २५ हजार राशीको सो पुरस्कार सिआईएन र स्थानीय रेडियो सिमरामा कार्यरत पत्रकार आचार्यलाई प्रदान गर्ने निर्णय गरेको हो ।

आगामी भदौ २७ गते मञ्चको स्थापना दिवसका अवसरमा एक कार्यक्रमका बीच पुरस्कार प्रदान गरिने अध्यक्ष गाउँलेले बताउनुभयो । जिल्लामा रहेका कृयाशील पत्रकारहरुलाई खेलकुद पत्रकारितामा प्रोत्साहन गर्ने उद्देश्यले मञ्चले स्थापना गरेको सो पुरस्कार आगामी दिनमा प्रत्येक वर्ष प्रदान गर्ने निर्णयसमेत बैठकले गरेको छ ।
बैठकमा नेपाल पत्रकार महासँघ बाराका अध्यक्ष रेशम तिवारी, पूर्व अध्यक्ष एवं सल्लाहकाार गुरुप्रसाद गौतम लगायत मञ्चका पदाधिकारीहरुको उपस्थिति रहेको थियो । पुरस्कार घोषणा कार्यक्रमको सञ्चालन मञ्चका सचिव बसन्त खतिवडाले गर्नभएको थियो ।