२०८१ मंसिर ८, शनिबार
५६३ पाठक संख्या जीतपुर, १५ भदौः उपमहानगरको मूल गेटमा बजारको फोहोर थुपारिएपछि केही क्षण हल्ली चल्ली नै भयो । महिनौदेखि जितपुर र सिमरा बजारक्षेत्रको फोहोर उठ्न नसक्दा बजार दुर्गन्धित भएपछि यहाँका युवाहरूले उपमहानगरको मूल प्रवेशद्वारमा नै फोहोर थुपारेका हुन् ।
नगर कार्यपालिका र नगर प्रमुखको ध्यान जाओस् भन्नको लागि मूल गेटमा नै लगेर फोहोर थुपार्न बाध्य भएको युवा अजीत खतिवडाले बताउनुभयो ।।
यता नगर प्रमुख कृष्ण पौडेलले मूल गेटमै फोहोर थुपारिएपछि भने आफ्रनै सक्रियतामा गेटको फोहोर उठाएर दुधौरामा व्यवस्थापन गरेको जानकारी दिनुभयो । डम्पीङ साइडको अभाव देखाउँदै उपमहानगरले फोहोर उठाउन छाडेपछि टोल तथा बजार दुर्गन्धित बन्दै आएको छ । अझै पनि फोहोर व्यवस्थापनको लागि कुनै ठोस निर्णय हुन सकेको छैन । फोहोरका कारण बजारको मुहार नै कुरूप बन्दै गएको छ ।
