२०८१ मंसिर ८, शनिबार
५८५ पाठक संख्या सिमरा, २६ भदौः बाराको सिमरामा रहेका जगदम्बा स्टिलमा भदौ ११ गते भएको घटना छानविन गर्नको लागि आज सिमरामा छानविन टोलीले राजनीतिक दलसँग भेटघाट गरेको छ । गृहमन्त्री स्तरीय निर्णयले गठन भएको जगदम्बा स्टिलमा(२०७८/०५/११ गते) भएको घटना सम्बन्धमा गृह मन्त्रालयका सह सचिव टेकराज निरौलाको नेतृत्वको छानबिन समिति र राजनैतिक दलहरू बीच राखिएको छलफलमा सिमरामा रहेका विभिन्न राजनीतिक दलका प्रतिनिधिहरूको सहभागिता रहेको थियो ।
छलफलमा राजनीतिक दलका प्रतिनिधिहरूले यो समितिको कार्यशर्त(त्इच्) उद्योगको मात्रै सुरक्षा केन्द्रित भएको देखिएकोले मजदुरको सुरक्षा , वातावरणको सुरक्षा , स्वास्थ्यको सुरक्षाको बिषयलाई केन्द्रमा राखेर उच्चस्तरीय कार्यदल बनाउने र त्यसबाट आउने निष्कर्ष कार्यन्वयन गर्ने, तत्कालीन बाराका प्रमुख जिल्ला अधिकारी दिनेश भट्टराईको रोहवरमा जगदम्बा स्टिलको तर्फबाट साहिल अग्रवाल र स्थानीय बासिन्दा बिच २०६९/१२/२१ गते भएको सहमतिलाई कार्यन्यन गर्ने, सहमति उलंघन भएको बिषयलाई सच्याउने, सिमसार क्षेत्र र सार्वजनिक जग्गा जमिन मिचेको कुरालाई सच्याउने/फिर्ता गराउने/ अर्थात पहिलेकै रूपमा फर्काउनु पर्ने त्यस्तै ठुला उद्योग(जगदम्बा) र बस्ती बीच बफर स्पेस(जमिन) त्यसपछि उद्योग , उद्योग भित्रै ओपन स्पेस, वृक्षारोपण , वाटर टिमेन्ट प्लान्ट बनाउन लगाउने प्रस्ताव अघि सारिएको नेपाली काँग्रेस जीतपुर सिमरा नगर सभापति श्यामबावु गुप्ता तथा माओवादी युवा नेता राजन पौडेलले बताउनुभयो ।
राजनीतिक दलका प्रतिनिधिहरूमा नेपाली काँग्रेसका हरि थपलिया, नेकपा एमालेका भोला अधिकारी,नेकपा एककिृत समाजवादीका कृष्ण खनाल, जनता समाजवादी पाटीका सोहन शर्मालगायत सरोकारवालाको उपस्थति रहेको थियो ।
त्यस्तै छानविन समितिका संयोजक एवं गृह मन्त्रालयका सहसचिव टेकराज निरौला लगायत निम्न सदस्यहरूको उपस्थति रहेको थियो । हेनुहोस् ;
