२०८१ मंसिर ८, शनिबार
७८४ पाठक संख्या सीता अधिकारी
सिमरा,१८मंसिरः बारा जिल्लाको उत्कृष्ट सहकारी सिमरा महिला बचत तथा ऋण सहकारी संस्था सिमराले किशोरीहरुका लागि सञ्चालन गरेको आत्मरक्षा तालिमको आज समापन गरिएको छ ।
महिला हिंसा विरुद्धको १६ दिने अभियान अन्तरगत नै महिला सहकारीका सेयर सदस्यका किशोरी छोरीहरुलाई आत्मरक्षासम्बन्धी एक हप्ते तालिम सञ्चालन गरिएको हो । तालिममा ४० जना किशोरीहरु सहभागी भएका थिए। जसमा १५ वर्षदेखि २० वर्षभित्रका किशोरीहरु रहेका थिए ।
तालिमबाट आफ्नो आत्मविश्वास बढेको, हिंसाको विरुद्ध बोल्ने साहस पलाएको, अहिलेको सन्दर्भमा किशोरीहरुले विविध प्रकारका हिंसाबाट आफू जोगिन पनि आत्मरक्षा तालिमले सिकाएको बताएका छन् । तालिममा नेपाल तेक्वान्दो सँघ प्रदेश २ का सदस्य एवं अन्तराष्ट्रिय खेलाडी यानकुमारी चौलागाईँले सहजीकरण गर्नुभएको थियो ।
तालिमको समापनमा प्रशिक्षार्थीहरुलाई प्रमाणपत्र प्रदान गरिएक् थियो । तालिमका प्रशिक्षक यानकुमारी चौलागाईलाई संस्थाका तर्फबाट प्रशंसापत्र प्रदान गरिुएको थियो ।
सिमरा महिला साकोसका अध्यक्ष अनिता लम्सालको अध्यक्षतामा सम्पन्न कार्यक्रम उपाध्यक्ष मुना खरेलले सञ्चालन गर्नुभएको थियो । कार्यक्रममा संस्थाका पदाधिकारीहरु भीमादेवी शर्मा, सनम पौडेल, शोभा खतिवडा, अम्विका पौडेल, लिलादेवी श्रेष्ठ, निर्मला सुवेदी लगायतको उपस्थिति रहेको थियो ।
