२०८१ कार्तिक ७, बुधबार
६६२ पाठक संख्या सिमरा, १८ बैशाखः मजदुर र किसानमुखी योजनालाई मुख्यभागमा राखेर योजना निर्माण गर्ने र प्रतिवद्धता पत्र सार्वजनिक गर्ने योजना रहेको गठबन्धनका उम्मेद्वार राजन पौडेलले बताउनुभएको छ । श्रमिक दिवसको अवसरमा अखिल नेपाल ट्रेड युनियन महासंघ औद्योगिक मजदुर संघले आईतबार बाराको सिमरामा आयोजना गरेको एक कार्यक्रमलाई सम्बोधन गर्दै पौडेलले सो कुरा बताउनुभएको हो । उहाँले कुनै कमीकमजोरी भए खवरदारी गर्न आग्रह गर्दै मजदुर आन्दोलनको शक्तिलाई बिचलित हुन नदिने र मजदुर आन्दोलनकै जगमा देशले बिभिन्न परिवर्तन पाएको बताउनुभयो ।
मजदुर नेता सोनालाल साहको प्रमुख आथित्यमा सम्पन्न उक्त सभालाई, उपमेयरकी उम्मेद्वार मेघा शाही, नेकपा समाजबादीका नेता दिनेश राई, माओबादी केन्द्रका नेता अनिल श्रेष्ठ, काँग्रेसका नगर सभापति छवि शर्मा, वडा नम्बर २ का वडा अध्यक्ष उम्मेद्वार तिलक बहादुर श्रेष्ठ लगायतले मन्तब्य ब्यक्त गर्नुभएको थियो ।
सभामा गठबन्धनको आबश्यकताका बारे प्रष्ट पार्दै नेताहरुले ईमान्दारी पूर्बक मतदान गर्न कार्यकर्तालाई आग्रह गरेका थिए । जगदम्बा स्टिल, हुलास स्टिल, सूर्य नेपालका श्रमीकहरुको भब्य उपस्थिति रहेको उक्त सभा अध्यक्ष बेनी तिमल्सीनाको सभापतित्वमा सम्पन्न भएको थियो । कार्यक्रममा सैयौँ मजदुर तथा नेता कार्यकर्ताको उपस्थिति रहेको थियो ।
यस्तै मजदुर दिवसकै अवसरमा आयोजित अर्को एक कार्यक्रममा जीतपुर सिमरा उपमहानगरपालिका उपमेयरकी उम्मेदवार मेघा शाहीले श्रमिकलाई प्राथमिकतामा राखेर पहिलो श्रमिक अस्पताल बनाउने बताउनुभएको छ ।
। १३३ओैं अन्तराष्ट्रिय श्रमिक दिवसको अवसरमा नेपाल ट्रेड युनियन कांग्रेस बाराले आयोजना गरेको कार्यक्रममा बोल्दै शाहीले यो नगर श्रमिक नगर समेत रहेको बताउनुभयो । सबै भन्दा बढी करिडोर भएको नगर रहेको समेत उहाँले बताउनुभयो । शाहीले नेपालको पहिलो भ्रष्टचारको सूचीमा रहेको नगरलाई अब सुशासनयुक्त नगर बनाउन आफूहरूलाई मत दिन आग्रह गर्नुभयो ।
