२०८१ मंसिर ९, आईतबार
२१७ पाठक संख्या सिमरा, २१ कात्तिकः बाराको रतनपुरीबाट लागुओषध गाँजा सहित एकजनालाई प्रहरीले पक्राउ गरेको छ । आइतबार राति १० बजेको समयमा नीजगढ नगरपालिका वडा नं १२ रामथली नजिकै मकवानपुरबाट रतनपुरीतर्फ लागुऔषध गाँजा काँधमा बोकेर ल्याउँदे गरेकाो अवस्थामा गस्तीमा रहेको प्रहरीले एक जनालाई पक्राउ गरेको हो ।
पक्राउ पर्नेमा नीजगढ वडा नं १२ वस्ने ५८ वर्षीय प्रेम बहादुर लो रहेका छन् । प्रहरी गस्तीटोलीलाई देखेर गाँजा फाली भाग्न खोजेका उनलाई घेरा हालेर पक्राउ गरिएको प्रहरीले जनाएको छ । उनको साथबाट प्रहरीले १० किलो गाँजा बरामद गरेको छ । घटनाको अनुसन्धान भेरहेको छ ।
