२०८१ मंसिर ६, बिहिबार
६६४ पाठक संख्या
सीता अधिकारी
सिमरा, २६ माघः सिमरा महिला वचत तथा ऋण सहकारी संस्थाले स्तन तथा पाठेघरको परीक्षण प्याप टेष्टसहितको दुई दिने स्वास्थ्य परीक्षण शिविर सञ्चालन गर्न लागेको छ । माघ २७ र २८ गते अर्थात शुक्रबार र शनिबार संस्थाले स्वास्थ्य शिविर आयोजना गर्न लागेको हो ।
नेशनल क्यान्सर केयर हस्पिटल जावलाखेल काठमाडौँका स्त्रीरोग विशेषज्ञ डाक्टहरुद्वारा महिलाहरुको स्तन तथा पाठेघरको स्वास्थ्य परीक्षण गरिने सिमरा महिला बचत तथा ऋण सहकारी संस्थाका अध्यक्ष अनिता लम्सालले जानकारी दिनुभयो ।
शिविरको पूर्व सन्ध्यामा परामर्श एवं सचेतना कार्यक्रम
शिविरको पूर्व सन्ध्यामा सहकारी संस्थाले आफ्नो कार्य क्षेत्र भित्रका महिलाहरुमा जनचेतना जगाउनका लागि स्वास्थ्यसम्बन्धी परामर्श तथा चेतना कार्यक्रमको पनि आयोजना गरेको छ । संस्थाका कोषाध्यक्ष गीता शर्माका अनुसार संस्थाले बिहीबार जीतपुर सिमरा उपमहानगरपालिकाको छातापिपरा, नगोल लगायतका स्थानमा चेतनामूलक कायृक्रम आयोजना गरेको छ । त्यस्त गरी बुधबार संस्थाले आफ्रनै कार्यालय परिषर तथा डुमरवाना रजघट्टामा पनि सचेतना कार्यक्रम आयाजना गरेको थियो ।
स्त्रीरोग क्यान्सर विशेषज्ञ डा. सौजन्य कर्मचार्यले महिलाहरुको स्वस्थ्यसम्बन्धी परामर्श एवं सचेतना कार्यक्रमको बारेमा जनाकारी दिनुभएको संस्थाका सचिव भिमादेवी शर्माले बताउनुभयो ।
