२०८१ कार्तिक ७, बुधबार
३२१ पाठक संख्या सयपत्री समाचरदाता
सिमरा, १७ मंसिरः बाराको जीतपुरसिमरामा रहेको नेपोभिट टायल्स कम्पनीमा आइतबार भिषण आगलागी भएको छ । उपमहानगरको वडा नं ८स्थित रमौली रहेको कम्पनीमा आगलागीको हुँदा करौडौँको क्षति भएको बताइएको छ ।
नेपाल सेरामिक इन्डस्ट्रिको नेपोभिट टायल्स कम्पनीमा आगलागी आइतबार करिब ३ः३० बजेको समयमा आगो लागेको सोही कम्पनीमा कार्यरत कर्मचारीले बताएका छन् । आगोलागी भएको खबर प्राप्त भएको केही मिनेटमै जीतपुरसिमरा उपमहानगरको बारुणयन्त्र घट्नास्थलमा पुगेको थियो ।
एउटा बारुणयन्त्रले आगो नियन्त्रण नभएपछि थप चार बारुण यन्त्र बोलाएर आगो नियन्त्रणमा लिइएको थियो । जीतपुरसिमरा उपमहानगर र कलैया उपमहानगरको १/१, वीरगञ्ज महानगरको २ र नेपाल प्रहरीको १ गरी ५ बारुणयन्त्रको लगातार ३ घण्टाको प्रयासपछि आगो नियन्त्रणमा आएको थियो ।
बिजुलीको सर्टसर्किटको कारण आगो लागेको हुन सक्ने बताइएको छ । आगो नियन्त्रणमा बारुणयन्त्रसँगै नेपाल प्रहरी र सशस्त्र प्रहरीसहित सोही कम्पनीमा कार्यरत कर्मचारीहरु खटिएका थिए । आगोलागीको घटना थाहा भएपछि जीतपुरसिमराका प्रमुख राजन पौडेल, उपप्रमुख भोला अधिकारी, प्रशासकीय प्रमुख शिवजी प्रसाद , नगर उद्योग वाणिज्य सँघका अध्यक्ष मोहन शर्मा, वडा नं ८ को वडाध्यक्ष शिवशंकर महतोलगायतले आगोलागीको घटनाले उद्योगमा पुगेको क्षतिप्रति दुःख व्यक्त गर्नुभएको थियो ।
आगोलागीबाट कति क्षति भयो भन्ने वास्तविक विवरण आइनसकेको प्रहरीले जनाएको छ । आगलागीबाट कम्पनीमा रहेका टायल्स बनाउने कच्चा पदार्थ,कार्टुन, टायल्स, केही मेसिनसहित अन्य समान र उपकरणहरु जलेर नष्ट भएको कम्पनीका प्लान्ट इन्चार्ज बद्री कँडेलले जानकारी दिनुभयो ।
हेर्नुहोसः लिंक : https://sayapatrionline.com/2023/07/15/23110/?fbclid=IwAR0yfneHdDx8PZPkuzOCoDLGrkkgCb6KXmVB01tWmYoTV02Ljd21Vfn_pQY
