२०८१ श्रावण ८, मंगलबार
नयाँ
पछिला अपडेट

प्रहरीको गोली लागेर सिम्रौनगढमा एक जनाको मृत्यु

२०८० मंसिर २७, बुधबार मा प्रकाशित ( महिना अघि) ३८५ पाठक संख्या

सयपत्री समाचारदाता
सिमरा, २७ मंसिरः प्रहरीको गोली लागेर बाराको सिम्रौनगढमा एक जनाको मृत्यु भएको छ । सिम्रौनगढमा आन्दोलित शिक्षक तथा कर्मचारीको भिडलाई तितरवितर पार्न प्रहरीले गोली चलाउँदा सिम्रौनगढ नगरपालिका वडा नं १ नामसाग्राघाटका २५ वर्षीय लक्ष्मी मुखियाको मृत्यु भएको हो ।
मुखियाको टाउकोमा गोली लागि गम्भिर घाईते भई उपचारको लागि प्रादेशिक अस्पताल बीरगंज पर्सा पठाईएकोमा करिब साँढे ४ बजेको समयमा अस्पतालले मृत घोषणा गरेको प्रहरीले जनाएको छ ।
के थियो घटना ?
बुधबार दिउँसो बाराको सिम्रौनगढ नगरपालिका वडा नं.६ मा रहेको सिम्रौनगढ नगरपालिकामा पुरानो प्रशासकीय अधिकृत बदली भई नयाँ प्रशासकीय अधिकृत महेश कुमार मिश्र नगरपालिकामा हाजिर हुने क्रममा सिम्रौनगढ नगरपालिकाका आन्दोलित शिक्षकहरु र असन्तुष्ट पक्षका कर्मचारीहरुले अवरोध पुर्‍याउन खोज्दा प्रहरीले भिडलाई तितर वितर पार्न ५२ राउण्ड हवाइ फायर गरेको थियो ।सोही क्रममा मुखियालाई गोली लागेको प्रहरीले जानकारी दिउको छ । घटनामा नेपाल प्रहरीका १० जना सामान्य घाइते भएका छन् भने झडपका क्रममा नगर प्रमुख किशोरीप्रसाद कलवारको बा २ झ ४३५४ नम्बरको स्कारपियो गाडीको अगाडि पछाडिको सिसा फुटेको र नगर प्रमुखको कार्य कक्षको दुई वटा झ्यालको सिसाहरु फुटेको बताइएको छ । अहिले स्थिति सामान्य भएको बताएको छ ।

तपाइंलाई यो खबर पढेर कस्तो लाग्यो? मन पर्यो
मन पर्योखुशीअचम्मउत्साहितदुखीआक्रोशित

प्रतिक्रिया दिनुहोस


सम्बन्धित खबरहरु