२०८१ कार्तिक ७, बुधबार
४५६ पाठक संख्या सयपत्री समाचारदाता
सिमरा, २६ फागुनः एस एल ए एस शैक्षिक सर्वेक्षण गर्ने काम समाप्त भएको छ । जीतपुरसिमरा उपमहानगरपालिका अन्तरगतका १सय ११ ओटा शैक्षिक संस्थाहरुमा गरिएको सर्वेक्षणको मूल्यांकन गर्ने कार्य अगाडि बढाउन शनिबार तथ्यांक संकलनकर्तालाई प्रमाणपत्र प्रदान गर्दै शैक्षिक सर्वेक्षण गर्ने काम समाप्त भएको जनाइएको हो ।
बाराको जीतपुरसिमरा वडा नं २ मा रहेको सिमरा कलेजमा आयोजित क्लोजिंग सेरेमोनीमा नगर प्रमुख राजन पौडेलले नयाँ पुस्ताबाटै समाज परिवर्तन आवश्यक गर्नुपर्ने धारणा व्यक्त गर्नुभयो । उहाँले नगरको शैक्षिक विकासमा सबैको सुझाव आवश्यक रहेको बताउनुभयो ।
कार्यक्रममा सिमरा कलेजका प्रमुख शालिकराम अधिकारीले सर्वेक्षणमा तथ्यांक संकलनको काम सकिएपनि मूल्यांकनको काम बाँकी रहेको बताउनुभयो ।
शैक्षिक स्तरको सुधारको लागि जीतपुरसिमरा उपमहानगरपालिकाले सिमरा कलेजसँग सहकार्य गरी नगर क्षेत्रका तीन ओटा सामुदायिक कलेज डुमरवाना बहुमुखी क्यामपस, बकुलिया क्याम्पस तथा सिमरा कलेजका १ सय ५० जना स्वयंसेवक विद्यार्थी सर्वेयरका रुपमा परिचालन गरेको थियो ।
गत फागुन ९ गतेदेखि फागुन २२ गतेसम्म गरिएको संकलनले नगर भित्रका आधारभूत तहका १देखि ८ कक्षासम्मका १८ हजार विद्यार्थीमा सर्वेक्षण गरिएको थियो । यसको नतीजा भने आउन बाँकी नै छ । कार्यक्रममा विद्यार्थीहरुले आफ्नो अनुभव समेत सुनाएका थिए ।
सिमरा कलेजका कलेज सञ्चालन समितिका कार्यवाहक अध्यक्ष मधुकर अधिकारीको सभाध्यक्षतामा सम्पन्न समापन कार्यक्रममा जीतपुरसिमराका प्रमुख प्रशासकीय अधिकृत शिवजी प्रसाद लगायतले मन्तव्य राख्नुभएको थियो
।
