२०८१ श्रावण ४, शुक्रबार
नयाँ
पछिला अपडेट

संगालो साकोसद्वारा संरक्षित पूँजी फिर्ता कोषको रकम वितरण, सदस्यहरूमा खुसीयाली

२०८१ अषाढ ९, शनिबार मा प्रकाशित ( हफ्ता अघि) २८८ पाठक संख्या

सयपत्री समाचरदाता
सिमरा,८ असारः संगालो वचत तथा ऋण सहकारी संस्थाले आफ्ना सदस्यहरुलाई संरक्षित पूँजी फिर्ता कोषको रकम वितरण गरेको छ । बाराको जीतपुरसिमरा उपमहानगरपालिका वडा नं २ सिमरामा रहेको उक्त सहकारीले शनिवार एक कार्यक्रमको आयोजना गरी असल वचतकर्ता र असल ऋण कारोवारीलाई संरक्षित पूँजी फिर्ता कोषको रकम वितरण गरेको हो ।
सहकारी ऐन नियमअनुसार नै असल ऋणी कारोबारीको हकमा तिरेको ब्याजमा ६० प्रतिशत र बचत कारोबारीको हकमा ४० प्रतिशत संरक्षित पूँजी फिर्ता कोषबाट वितरण गर्न सकिने प्रावधानअनुरुप सदस्यहरुलाई रकम वितरण गरिएको संगालो साकोसका अध्यक्ष शालिकराम अधिकारीले जानकारी दिनुभयो । कार्यक्रममा असल ऋणीका रुपमा कारोवार गर्ने सुमोध ढकालले सबैभन्दा बढी १२ हजार २६ रुपियाँ रकम फिर्ता पाउनुभएको थियो भने असल बचतकर्ताका रुपमा सबैभन्दा धेरै शान्ति खतिवडाले ३ हजार ८ सय १८ रुपियाँ प्राप्त गर्नुभएको संस्थाका सचिव रत्न उप्रेतीले बताउनुभयो ।
कार्यक्रममा संस्थाका शेयर सदस्यहरु मनोज पोख्रेल तथा सरस्वती उप्रेतिले संरक्षित पूँजी कोषको फिर्ता रकम बुझिसकेपछि यस्तो कार्यक्रमले सहकारीप्रति अझै आकर्षण बढ्ने र संस्थासँग कारोबार गर्न हौसला मिल्ने धारणा व्यक्त गर्नुभयो । कार्यक्रममा संस्थाका पदाधिकारी, कर्मचारीसमेतको उपस्थिति रहेको थियो ।

 

17190359978401719035965629

तपाइंलाई यो खबर पढेर कस्तो लाग्यो? मन पर्यो
मन पर्योखुशीअचम्मउत्साहितदुखीआक्रोशित
१%

प्रतिक्रिया दिनुहोस


सम्बन्धित खबरहरु