२०८२ अषाढ २२, आईतबार
६२९ पाठक संख्या सयपत्री समाचारदाता
सिमरा, ८ भदौः सङ्गालो वचत तथा ऋण सहकारी संस्था बाराको १३ औँ वार्षिक साधारण सभाले निराजन थापाको अध्यक्षतामा सर्वसम्मत कार्यसमिति चयन गरेको छ । साकोसको शनिवार भएको वार्षिक सभाबाट थापासहित सञ्चालक समिति सर्वसम्मत चयन भएका हुन् ।
संस्थाको उपाध्यक्षमा नेत्रप्रसाद दाहाल, सचिवमा गोकुल अधिकारी, कोषाध्यक्ष कोपिला अर्याल सर्व सम्मत चयन हुनुभएको छ । यसैगरी सदस्यहरुमा रवीन्द्र ठाकुर, राजदास श्रेष्ठ, रमेश थापा, निरोज पुडासैनी, ईश्वर थपलिया, सुशिला कार्की, कविता लम्साल रहनुभएको छ । यस्तै गरी लेखा सुपरीवेक्षण समितिका संयोजकमा धनन्जय थोकर र सदस्यमा निरन्जन कणर् तथा सन्तोष श्रेष्ठ निर्वाचित हुनुभएको छ ।
उद्घाटन कार्यक्रम
सङ्गालो वचत तथा ऋण सहकारी संस्थाको १३ औँ साधारण सभा शनिबार सम्पन्न भएको छ । संस्थाका अध्यक्ष शालिकराम अधिकारीको अध्यक्षतामा सम्पन्न साधारण सभामा बारा जिल्ला वचत संघका अध्यक्ष सतेन्द्र ठाकुरको प्रमुख आतिथ्यता रहेको थियो ।
१३ वर्षअघि स्थापना भएको सङ्गालो वचत तथा ऋण सहकारी संस्थाको झण्डै १२ करोड ६ लाख ८५ हजारको कारोबार गरिरहेको संस्थाका अध्यक्ष शालिकराम अधिकारीले बताउनुभयो । हाल ३ सय ८१ जना सेयर सदस्य रहेको संस्थाले ७ करोड ८८ लाखको निक्षेप संकलन र ८ करोड ८६ लाख लगानी गरेको अध्यक्ष शालिकराम अधिकारीले बताउनुभयो ।
उद्घाटन सत्रको कार्यक्रममा संस्थाका दुई उत्कृष्ट वचतकर्ता विष्णुमाया गौतम र विमला अधिकारीलाई सम्मान पत्र प्रदान गरिएको थियो । त्यसैगरी संस्थाको उत्कृष्ट कारोवारीका रुपमा हेमन्त खड्का र विपिन लामिछानेलाई सम्मान गरिएको थियो ।त्यसैगरी यस वर्षको कक्षा १२ को परीक्षामा बारा जिल्लाबाट सामुदायिक विद्यालय टप गर्ने नेरामावि सिमराका गौरवमान श्रेष्ठ र सामना भट्टराईलाई समेत सम्मान गरिएको थियो ।
