२०८१ मंसिर ८, शनिबार
८४० पाठक संख्या सीता अधिकारी
सिमराः मातृ दिवसको अवसर पारेर अन्तरराष्ट्रिय नेपाली समाज (इन्स) महिला समितिले आइतबार साँझ आमा दिवस विशेष कार्यक्रमको आयोजना गरेको छ । अन्तरराष्ट्रिय नेपाली समाज (इन्स) महिला समितिका अध्यक्ष रेनुका सोलुको सभाध्यक्षतामा सम्पन्न कार्यक्रममा चार जना आमाहरूले आफ्ना फरक फरक अनुभूति प्रस्तुत गर्नुभएको थियो ।
कार्यक्रममा त्रिभुवन विश्वविद्यालयकी उपप्राध्यापक गीता खनाल, चितवनकी आमा पद्मा अधिकारी, नेपालगञ्जकी आमा सुशीला शर्मा र नुवाकोटकी आमा उमा कुमारी भण्डारीले आफ्नो बाल्यकालिन अवस्था, तत्कालिन समाजले छोरीलाई हेर्ने दृष्टिकोण, तत्कालिन समयमा महिलाको अवस्था र वर्तमान अवस्थामा अन्तर, छोराछोरीलाई आफ्ना अभिभावकले दिने शिक्षा, व्यवहार र संस्कार, महिला सशक्तीकरणका लागि अर्थोपार्जन आवश्यक भएको विचार व्यक्त गर्नुभएको थियो ।
अन्तरराष्ट्रिय नेपाली समाज (इन्स) महिला समितिका महासचिव शुभद्रा भण्डारी, सचिव लिली अधिकारी , सोम अनुराग र दीक्षा भण्डारीले कार्यक्रममा सहजीकरण गर्नु भएको थियो भने सीता अधिकारीको स्वागत रहेको थियो ।
त्यस्तै, कार्यक्रममा अन्तरराष्ट्रिय नेपाली समाज (इन्स) का अध्यक्ष अर्जुन घिमिरे, महासचिव अर्जुन श्री , उर्मीला निर्दोषी, नजबुल खान, राजेश राई, नितु खतिवडा, शुभलक्ष्मी कोइराला, आँचल शर्मा, झलक बुढाथोकी, ईश्वर राई, दुर्गा भवानी भट्ट लगायतले आफ्ना रचना वाचन तथा मन्तव्य व्यक्त गर्नुभएको थियो । नेपाली समयानुसार साँझ पाँच बजे सुरु भएको कार्यक्रमलाई जुम अनलाइन मार्फत प्रशारण गरिएको थियो भने कार्यक्रमलाई फेसबुक लाइभ पनि गरिएको थियो ।
अन्तरराष्ट्रिय नेपाली समाज नेपालीहको एक बिशुद्ध सामाजिक संस्था हो। समाजले नेपाली भाषा, साहित्य, कला, आर्थिक, सामाजिक रुपान्तरणको लागि काम गर्ने धेय राखेको छ।
