२०८१ कार्तिक ७, बुधबार
१२९९ पाठक संख्या सिमरा, १७ असारः बाराका विभिन्न गाउँपालिका र नगरपालिकाका ३२ वटा वडाहरूमा नेपाली काँग्रेस पार्टीभित्र देखिएको आन्तरिक विवादहरूलाई अन्तिम समयमा केन्द्रीय निर्वाचन समितिले टुङ्ग्याएसँगै जिल्लाको १४ औं अधिवेशन सुनिश्चित भएको छ । नेपाली काँग्रेसको स्थानीय तह संगठन पुनरसंरचना आन्तरिक निर्देशिका २०७६ अनुसार समायोजन गर्ने सिलसिलामा बारा काँग्रेस पार्टीभित्रको आन्तरिक विवादहरूलाई समायोजन गरी केन्द्रीय निर्वाचन समितिले बुधबार बारा जिल्लाका लागि परिपत्र जारी गरेपछि जिल्लाको १४ औँ अधिवेशन पनि समयमा नै हुने निश्चित भएको हो ।
नेपाली काँग्रेसका केन्द्रीय सदस्य एवं मुस्लिम विभागका प्रमुख फरमुला मन्सुरले बारा जिल्लाको अधिवेशन समयमा हुने सुनिश्चित भएको बताउनुभयो । उहाँले यस कुरामा ढुक्क रहन कार्यकर्तालाई आग्रह समेत गर्नुभएको छ । यस्तै नेपाली काँग्रेसका जिल्ला सचिव मनोज भट्टले ढिलै भएपनि केन्द्रले गरेको निर्णय स्वागत योग्य भएको बताउनुभयो ।
