जीतपुर सिमराको नगरसभा छिट्टै हुन्छः उपप्रमुख चौधरी
२०७८ अषाढ १८, शुक्रबार मा प्रकाशित (३ साल अघि)४७० पाठक संख्या
सिमरा, १८ असारः जीतपुरसिमरा उपमहानगरपालिकाको नगरसभा छिट्टै हुने नगर उपप्रमुख सरस्वतीदेवी चौधरीले बताउनुभएको छ । आन्तरिक तयारी पूरा गरी केही दिनमै नगरसभा गर्ने उपप्रमुख चौधरीले बताउनुभएको हो ।
फाइल तस्विरः सामाजिक सञ्जाल
नगरभित्रका समस्या केलाई योजनाहरूको प्राथमिकीकरणका आधारमा बजेट विनियोजन गर्ने योजना भएको पनि उहाँले बताउनुभएको छ । नगरभित्र बेथिति बढेको व्यापक जनगुनासो आएको छ नि भन्ने प्रश्नमा उहाँ भन्नुहुन्छ ,“समयमै नगरसभा गर्न नसक्दा जनगुनासो आउनु स्वभाविक नै हो ,यसले हामीलाई अझ थप हौसला, प्रेरणा दिई सकारात्मक बजेट ल्याउन सहयोग गर्दछ । यस वर्षको राजस्व लक्ष्य पनि पूरा भएको छ । ” उपप्रमुख चौधरीले नगरवासीको आवश्यकताको योजनालाई गत वर्षजस्तै यसवर्षको बजेटमा पनि प्राथमिकता दिने दावी गर्नुभयो । उहाँले गत वर्ष विकासका लागि छुट्याइएको बजेट रकमको सही सदुपयोग होस् भनेर अनुगमन गर्दै आएको पनि जिकिर गर्नुभयो ।
४७० पाठक संख्या 
