२०८१ मंसिर ८, शनिबार
१२३३ पाठक संख्या विदुर खड्का
डुमरवाना, २ कात्तिकः क्यान्सर रोगबाट पीडित यहाँकी एक महिलालाई बारा समाज जापानले उपचार खर्च सहयोग गरेको छ । आज एक कार्यक्रमकावीच बारा समाज जापानले क्यानसर रोगको उपचार गराईरहेकी सरिता अधिकारीलाई उपचार खर्च रकम सहयोग गरेको हो । बाराको जीतपुर सिमरा उपमहानगरपालिका वडा नं १४ निवासी अधिकारी भरतपुर अस्पतालमा बिगत एक बर्षदेखि उपचार गराइरहनुभएको छ ।
समाज बाराका कोषाध्यक्ष मनोज अधिकारीकाअनुसार क्यान्सर रोग पीडित सरितालाई युवा समाजसेवी राजु अधिकारीमार्फत बिरामीका परिवार चन्द्रिका पंन्थलाई नगद २० रुपियाँ हजार सहयोग गरिएको छ ।
विगतमा पनि बारा समाज जापानले क्यान्सर पीडितहरूलाई सहयोग गर्दै आएको छ । आगामी दिनमा पनि समाजले नेपालको बिकास निर्माणमासमेत सहयोग गरिने योजना रहेको बारा समाज जापानका कोषाध्यक्ष अधिकारीको भनाइ छ ।
