२०८१ कार्तिक ६, मंगलबार
२०९५ पाठक संख्या सीता अधिकारी,
सिमरा, ५ मंसिरः वर्षौँ वर्ष पार्टीमा योगदान गरेका व्यक्तिको मूल्यांकन नगरी पार्टी फेर्दै हिड्ने अवसरवादीलाई वडाको अध्यक्ष बनाएको भन्दै नेकपा एमालेका कार्यकर्ताले सिमरामा नगर पार्टी कार्यालय घेराउ गरी नवगठित वडा कार्यसमितिका वडाध्यक्ष बहिस्कार गर्ने घोषणा गरेका छन् ।
बाराको जीतपुरसिमरा उपमहानगरपालिका वडा नं २३ का एमाले कार्यकर्ताहरुले आज सिमरास्थित एमाले पार्टीको नगर कार्यलयमा घेराउ गर्दै पार्टी फेर्दै हिड्ने व्यक्तिलाई एमाले वडाको अध्यक्ष बनाएको भन्दै विरोध गरेका हुन् ।
एमालेबाट माओवादीमा प्रवेश गरी २३ नं वडाबाट निर्वाचित वडा अध्यक्ष भएका अस्लम देवानलाई एमाले पार्टीले आफ्नो संगठनको वडा अध्यक्ष बनाएकोमा स्थानीय निर्वाचनमा वडा अध्यक्षका प्रत्यासी बनेका मुस्ताखी अन्सारीले आफूभन्दा जुनियरलाई वडाध्यक्ष दिएकोमा आपती रहेको बताउनुभयो ।
उहाँले यस विषयमा पार्टीको ध्यानाकर्षण गराउन गाउँका सम्पूर्ण कार्यकर्ता पार्टी कार्यालय घेराउ गर्न तथा डेलिगेशन आएको बताउनुभयो ।
यता नेकपा एमाले जिल्ला कमिटिका सदस्य भोला अधिकारी पार्टी भित्रको बफादार कार्यकर्तालाई नै वडा अधिवेशनबाट पार्टीको निर्णयले अध्यक्ष बनाएको दावी गर्नुहुन्छ ।
माओवादी पार्टीबाट निर्वाचित वडा अध्यक्ष अस्लम देवान औपचारिक रुपमा नै एमाले पार्टीमा आइसकेकोले देवानलाई अध्यक्ष बनाएको जिल्ला कमिटि सदस्य अधिकारीको जिकिर छ ।
