२०८१ मंसिर ८, शनिबार
५५० पाठक संख्या
नीजगढ, १० मंसिरः नेपाली काग्रेस निजगढको नगर अधिवेशनबाट सभापति पदमा ९१ मत प्राप्त गरी नवराज तिमल्सिना प्यानलसहित बिजयी भएका छन् ।
निजगढ नगरपालिका वडा नम्बर ८ को निजगढ व्याङ्गकुट पार्टी प्यालेसमा सम्पन्न भएको अधिवेशनमा तिमल्सिनाको प्यानल निर्वाचनबाट निर्वाचित भएका हो ।
नगर कार्य समितिको नेतृत्वको लागि कांग्रेस भित्र दुई प्यानलबीच मतदान भएको थियो । सभापति तिमल्सिनाका प्रतिस्पर्धी महेशी कुँवरले ७७ मत प्राप्त गरेका थिए ।मतदानमा १७२ मध्धे १६९ मत खसेको थियो । अधिवेशनबाट नगर कार्यसमितिमा आगामी कार्यकालको लागि उपसभापतीमा रामकृष्ण सिग्देल र ज्ञान बहादुर गोले, सचिवमा अम्वीर सिंतान र मधु तिमल्सिना र सहसचिवमा बुद्वीमान शाही र सोपिला गुरुङ निर्वाचित भएका हुन ।
यस्तै अन्य ४४ जना भने सर्वसम्मत भएको बताईएको छ । अधिवेशनबाट ५१ सदस्यीय कार्य समति चयन भएको हो ।
वडा अधिवेशनमा जस्तै नगर कार्यसमितिको नेतृत्वमा चयनमा पनि काग्रेसभित्र संस्थापन र संस्थापन इतर पक्षका उम्मेदवारबीच प्रतिस्पर्धा भएको थियो। कुवँर नेतृत्वको प्यानललाई काग्रेस नेता शम्भुबहादुर बुढाथोकीको समर्थन रहेको थियो भने तिमल्सिनाको प्यानललाई निजगढ नगरपालिकाका मेयर सुरेश खनाल पक्षको समर्थन रहेको थियो।
