२०८१ मंसिर १३, बिहिबार
५०९ पाठक संख्या सिमरा, २४ मंसिरः सिमरामा जारी नगरस्तरीय अन्तर विद्यालय फुटबल प्रतियोगितामा न्यू एकता ईङ्लीस स्कुल सिमराले पिलुवाको बारा एकेडेमीलाई हराएको छ ।यससँगै प्रतियोगिताको क्वाटरफाईनल समिकरण पूरा भएको छ ।
सिमरा रंगशालामा शुक्रबार भएको खेलमा बारा एकेडेमी माथि ४–० को जीत निकाल्दै एकता क्वाटरफाईनलमा पुगेको हो ।
एकतालाई जित्राउन निरज रामएक्लैले दुई गोल गरे । सुजन खत्री र बब्लु पासवानको नाममा १/१ गोल रह्यो । उत्कृष्ट खेल प्रदर्शन गर्दै खेलको म्यान अफ द म्याच एकताका कौसुप श्रेष्ठ बने ।
ग्रासरुट फाउण्डेसनको आयोजनामा जारी प्रतियोगिताअन्तर्गत शनिबार देखि क्वाटरफाईनलका खेल सुरु हुनेछन् । सेमी फाईनल प्रवेशका लागि हुने पहिलो खेलमा नेपाल राष्ट्रिय मावि बकुलिया र एक्स सर्भिसमेन चिल्ड्रेन एकेडेमीबिच प्रतिस्पर्धा हुने प्रतियोगिता संयोजक सोनु क्षेत्रीले जानकारी दिए ।
