२०८१ मंसिर ९, आईतबार
७५७ पाठक संख्या सिमरा, १८ पुसः बाराको जीतपुरसिमरा उपमहानगरपालिका वडा नं ४ स्थित औराहमा रहेको औराहा पशुपालन कृषि सहकारी संस्थाको १३ औँ वार्षिक साधारणसभाबाट मदनबहादुर क्षेत्री सर्वसम्मत रुपमा अध्यक्ष पदका लागि निर्वाचित हुनुभएको छ । त्यसैगरी उपाध्यक्षमा रमेश खरेल, दीपम सिंखडा, मनिता भण्डारी, रहनुभएको छ । त्यस्तै सचिवमा विनोद सापकोटा, कोषाध्यक्ष शंकर सिंखडा, सदस्यहरुमा मुनानाथ शर्मा, राजु पौडेल, जानुका दाहाल, विन्दु ज्ञवाली, भिमबहादुर कँडेल सर्वसम्मत रुपमा चयन हुनुभएको छ ।
त्यस्तै गरी लेखा समिति संयोजकमा कुमारनाथ त्रिपाठी, सदस्यहरुमा सुशिला अधिकारी र मुकुन्द पौडेल रहेको व्यवस्थापक सविता तिवारीले बताउनुभयो ।
उद्घाटन कार्यक्रम
संस्थाका अध्यक्ष मदन बहादुर क्षेत्रीको अध्यक्षतामा भएको कार्यक्रममा उपप्रमुख सरस्वतिदेवी चौधरीको प्रमुख आतिथ्यता रहेको थियो ।
कार्यक्रममा घण्टीमाई साकोसका अध्यक्ष कोपिला सिंखडा लगायतको उपस्थिति रहेको थियो । औपचारिक कार्यक्रमको सञ्चालन संस्थाका सचिव दीपक सिंखडाले गर्नुभएको थियो ।
