स्थानीयको गुनासोपछि सँयुक्त रूपमा खोला अनुगमन

२०७८ पौष २६, सोमबार मा प्रकाशित (२ साल अघि) ७४१ पाठक संख्या

बिदुर खडका
सिमरा, २६ पुसः बाराको जीतपुर सिमरा उपमहानगरपालिकामा रहेका खोलाहरुमा नदी उत्खनन र दोहन भएको भन्ने स्थानीयहरुको गुनासो आएपछि जिल्ला समन्य समिति बारा र जिल्ला प्रशासन कार्याल बाराले सँयुक्त रुपमा खोलाहरु अनुगमन गरेको छ ।

अनुगमन टोलीले यस क्षेत्रमा संञ्चालनमा रहेका ४ वटा क्रसर उद्योग र बालुवा प्रशोधन केन्द्रहरुबाट आवश्यक कागजपत्र नियन्त्रणमा समेत लिएको छ ।अनुगमन टोलीका प्रमुख एवं समन्वय समितिका प्रमुख नवलकिशोर सिँहले उद्योगहरु सामान्य अवस्थामा हेर्दा नियम संगत हिसावले चले नचलेको भन्ने बारे कागजपत्रहरु अध्ययन भईरहेकोले १ /२ दिनमा रिजल्ट निक्लने प्रतिक्रिया दिनुभयो ।
अनुगमन टोलीमा जिल्ला प्रशासन कार्यलय बाराका सहायक प्रमुख जिल्ला अधिकारी शिवराज सेढाई, प्रहरी नायव उपरीक्षक राजेश थापा, समन्वय समितिका अधिकारी सुनिल चौरसिया, राजस्व कार्यलय कलैयाका र स्थानिय प्रशासनको सहभागिता रहेको थियो ।
यस क्षेत्रमा रहेको बालगंगा लगायतका खोलामा संञ्चालित बालुवा प्रशोधन केन्द्रहरुमा नदीजन्य पदार्थहरुको उत्खननमा रोक लगाएको बेलामा समेत क्रसर र बालुवा प्रशोधन उद्योगहरु सञ्चालनमा रहेको छ ।