२०८१ कार्तिक ७, बुधबार
४३४ पाठक संख्या सिमरा, ३० कात्तिकः बारा सिमराका संस्थागत विद्यालयहरुमध्ये उत्कृष्ट बन्दै गएको ब्राइटर एकेडेमीले आज विद्यार्थीहरुलाई मतदानको नमुना कार्य गराएको छ । बारा जिल्ला जीतपुरसिमरा उपमहानगरपालिका वडा नं २मा रहेको ब्राइटर एकेडेमीले आसन्न प्रदेश सभा तथा प्रतिनिधि सभाको निर्वाचनलाई मध्यनजर गर्दै विद्यार्थीलाई नमुनाका रुपमा मतदान गराएको हो ।
कार्यक्रममा नमुना मतपत्र विद्यालयले उपलब्ध गराएको र अरु सम्पूर्ण व्यवस्थापन कक्षा १० का विद्यार्थी एवं शिक्षकहरुले गरेको विद्यालयका प्रधानाध्यापक राजुकुमार कार्कीले बताउनुभयो। उहाँले नमुना मतदान कार्यक्रमले विद्यार्थीहरुमा मतदान गर्ने पद्धति,प्रकिया र लोकतान्त्रिक भावनाको विकास हुने धारणा राख्नुभयो । प्रअ कार्कीका अनुसार विद्यार्थीहरुले आफ्ना अभिभावकलाई समेत त्यसबारेमा सचेत गराउने छन्। कार्यक्रममा विद्यार्थीहरुले निर्वाचन सम्बन्धी धेरै कुराहरु सिक्न पाएकोमा उहाँले खुसी व्यक्त गर्नुभयो।
उक्त नमुना मतदानमा कक्षा ७ देखि १० सम्मका ४१९ विद्यार्थीले मतदान गरेका र त्यसको मत परिणाम छिट्टै आउने कुरा नमुना मतदान कार्यक्रमका मतदान अधिकृत कक्षा १० की छात्रा निमा चौधरीले बताउनुभयो।
विद्यार्थीहरूले उत्साह जनक र सौहार्द वातावरणमा मतदान गरेको र नमुना मतदान कार्यक्रम सम्पुर्ण रुपमा व्यवस्थित ढङ्गले सम्पन्न भएकोमा सम्पूर्ण शिक्षक,विद्यार्थी ,स्काउटका विद्यार्थीहरुलाई ऊक्त कार्यत्रमका सहायक मतदान अधिकृत कक्षा १० का छात्र रोहन चौरसियाले धन्यवाद प्रकट गर्नुभयो।
