२०८१ मंसिर ९, आईतबार
३०५ पाठक संख्या सयपत्री समाचारदाता
सिमरा, १६ फागुनः डिप्रोक्स लघुवित्त वित्तीय संस्था लिमिटेड शाखा कार्यालय सिमराले केन्द्र प्रमुख गोष्ठी तथा वित्तीय साक्षरता कार्यक्रम सम्पन्न गरेको छ । सिमरा शाखाअन्तर्गतका केन्द्र प्रमुखहरुलाई वित्तीय साक्षरता तथा बैंकिङ कारोबारमा हुने अपराध कर्जा तथा बचतको महत्व ,कर्जाको सही उपयोग ,लिएको कर्जा कति लिने र कसरी तिर्ने, संस्थाले उपलब्ध गरेका कर्जाको नीतिगत व्यवस्था ,नेपाल राष्ट्र बैंकवाट घ वर्गलाई गरेको निर्देशन र व्यवसायिक बन्नको लागि आवश्यक पर्ने विभिन्न तालिमहरु लगायतका विषयहरुको बारेमा जानकारी गराउने उदेश्यले कार्यक्रमको आयोजना गरिएको संस्थाले जनाएको छ ।
उक्त कार्यक्रममा वारा जिल्लाको जीतपुरसिमरा, कलौया, कोल्बीका गरी ६४ जना केन्द्र प्रमुख महिलाहरुको सहभागिता रहेको थियो । कार्यक्रममा जिल्ला कृषि ज्ञान केन्द्र बाराका नि. प्रमुख राजनारायण प्रसाद साहले कृषि बालीको बारेमा सहभागीहरुलाई जानकारी दिन तालिममा प्राविधिक सहयोग गर्नुभएको थियो ।
जीतपुरसिमरा उपमहानगरपालिका वडा न २-स्थित रोयल पाटीप्यालेसमा सम्पन्न भएको कार्यक्रमका वक्ताहरुले यस्ता गोष्ठीले समाजमा वित्तीय अराजकता र अफवाह फैलाउने तत्वहरुबाट बच्नको लागि सहयोग पुर्याउने धारणा राखेका थिए । उनीहरुले समाजलाई आर्थिक चलायामन बनाइ राख्नु जरुरी रहेको भन्दै मिटरव्याजीको कारणले आर्थिक मन्दी छाइरहेको अवस्थामा यस्ता वित्तीय संस्थाहरुले अर्थतन्त्र चलायमान बनाउन सहयोग पुगिरहेको कुरा व्यक्त गरेका थिए ।
संस्थाका अध्यक्ष गौरीदेवी भारतीको अध्यक्षता तथा प्रदेश कार्यालयका प्रमुख देशवन्धु चौधरीको प्रमुख आतिथ्यतामा कार्यक्रम सम्पन्न भएको थियो । कार्यक्रममा संस्थाका अनुगमन अधिकृत सूर्यबहादुर विष्टले संस्थाको कर्जा तथा बचतको विषयमा जानकारी गराउनुभएको थियो भने बैंकिङ अपराध तथा साक्षरता सम्बन्धि जानकारी मुकुन्द बरालले गराउनुभएको थियो । कार्यक्रममा शाखाका वसिर गदीले स्वागत मन्तव्य राख्नु भएको थियो ।
वि.स २०६२ साल श्रावण २२ गते बाराको जितपुरसिमरा स्थापना भएको यस शाखामा जम्मा सदस्य संख्या १ हजार ९ सय २७ जना रहेका छन् । ४ वटा नगरपालिकालाई कार्यक्षेत्र बनाएर संचालन भइरहेको यस शाखाको लगानी २३ करोड ३६ लाख ७६ हजार रहेको छ भने बचत रकम ५ करोड ८० लाख ६४ हजार रहेको डिप्रोक्सले जानकारी गराएको छ । यसअघि पौष २८ गतेका स्थापना दिवसको अवसरमा संस्थाले रक्तदान कार्यक्रम गरी २४ औँ वर्षगाठ मनाएको थियो ।
