२०८२ अषाढ २२, आईतबार
७८८ पाठक संख्या सयपत्री समाचारदाता
सिमरा, ९ भदौः जेजेवाईसी बाराले जीतपुरसिमारा उपमहानगरपालिका अन्तरगतका ३६ ओटा सामुदायिक विद्यालयलाई खेलकुद सामग्री र स्टेशनरी सामग्री वितरण गरेको छ । संस्थाले विद्यालयमा गठित बाल क्लबहरूलाई सशक्त बनाउन र साप्ताहिक अतिरिक्त क्रियाकलापहरू सञ्चालन गर्न सहज होस् भन्ने उदेश्यले उक्त सामग्री वितरण गरेको हो ।
सामग्री वितरण कार्यक्रममा जीतपुरसिमराका उपप्रमुख भोला अधिकारी, युवा, खेलकुद तथा शिक्षा महाशाखा प्रमुख शिवजी प्रसाद, शाखाका हरिश भट्ट र कुलप्रसाद गौतमलगायत विभिन्न विद्यालयका प्रधानाध्यापक तथा बाल क्लबका सदस्यहरुको उपस्थिति रहेको थियो ।
जन जागरण युवा क्लब, बाराले भि.एस ओ नेपालको सहयोगमा तथा युके एडको आर्थिक सहयोगमा सञ्चालित एक्टिभ परियोजना अन्तरगत बाराको जीतपुर सिमरा र कलैया उपमाहानगरपालिका तथा रौतहटको गौर र गढीमाई नगरपालिकाका सामुदायिक बिद्यालयहरूमा कार्यक्रम सञ्चालन गरिरहेको छ । एक्टिभ परियोजनाले सिमान्तकृत तथा अपाङ्गता भएका बालबालकिाहरुका लागि गुणस्तरीय शिक्षा र अनुशासन अनि सुशासनका क्षेत्रमा विगत तीन वर्षदेखि काम गर्दै आइरहेको छ ।
