२०८१ चैत्र २२, शुक्रबार
१११ पाठक संख्या सयपत्री समाचारदाता
सिमरा, १७ चैतः मानव अधिकार तथा शान्ति समाज बाराले आइतबार जलवायु संवाद कार्यक्रम सम्पन्न गरेको छ । सिमराको होटल सम्यकमा आयोजित उक्त संवाद कार्यक्रम जीवनचक्र परिस्थिति सन्तुलन र अहिंसात्मक जीवनधारालाई संविधानको प्रस्तावनामा समावेश गर्न सरकारसँग आग्रह गर्दै सम्पन्न भएको हो ।
कार्यक्रममा सिमरा कलेज सिमराका प्रमुख शालिकराम अधिकारी, सञ्चारकर्मी, शान्ति समाजका पदाधिकारी तथा सदस्यहरुले जीवनचक्र परिस्थिति सम्बन्धमा साथै चुरे बाँचे हामी बाँचिन्छ,जगत रहे जीवन रहन्छ भन्ने धारणा व्यक्त गरेका थिए । सहभागीहरुले बदलिंदो वातावरणीय प्रभावले भविष्यमा हुन सक्ने ठूला दुर्घटना र त्यसले पार्ने ठूलो क्षतिलाई आजकै दिनमा आँकलन गरेर राज्यले बलियो संयन्त्र निर्माण गर्नुपर्ने साथै जलवायु शिक्षा मार्फत सबैलाई शिक्षित बनाउनुपर्ने भन्ने धारणा राखेका थिए ।
समाज बाराका अध्यक्ष लक्ष्मण साहको अध्यक्षतामा भएको कार्यक्रमको सहजीकरण सचिव निराजन थापाले गर्नुभएको थियो ।
