२०८२ आश्विन ४, शनिबार
१२७ पाठक संख्या
सयपत्री समाचरदाता
सिमरा,४ असोजः महिलाहरुद्वारा जिल्लाकै नमुना सहकारीको रूपमा स्थापित सिमरा महिला वचत तथा ऋण सहकारी संस्थाको १८ औँ वार्षिक साधारण सभा शनिबार सम्पन्न भएको छ । कार्यक्रममा आमन्त्रित जिल्ला बचत तथा ऋण सहकारी संघका अध्यक्ष सतेन्द्र ठाकुरले पानसमा दीप प्रज्वलन गरी कार्यक्रमको शुभारम्भ गर्नुभएको हो ।
कार्यक्रममा सिमरा महिला साकोसका पूर्व अध्यक्ष एवं संस्थाका सल्लाहकार संयोजक अनिता लम्साल, सञ्चारकर्मी रन्जन यादव, संस्थाका सेयर सदस्यहलगायतले शुभकामना मन्तव्य राख्नु भएको थियो ।
कार्यक्रममा संस्थाका अध्यक्ष मुना खरेलले अध्यक्षको प्रतिवेदन प्रस्तुत गर्नुभएको थियो । त्यस्तै संस्थाका कोषाध्यक्ष सनम पौडेलले कोषाध्यक्षको प्रतिवेदन प्रस्तुत गर्नुभएको थियो । लेखा समिति संयोजक उर्मिला सापकोटाले लेखा समितिको प्रतिवेदन प्रस्तुत गर्नुभएको थियो ।
कार्यक्रममा उत्कृष्ट बाल बचतकर्ता, उत्कृष्ट वचतकर्ता, उत्कृष्ट कारोवारकर्ता, उत्कृष्ट समूह, तथा संस्थाका जेष्ठ सदस्य र संस्थाका उत्कृष्ट कर्मचारीलाई सम्मान गरिएको थियो ।
यसैगरी कक्षा १२ को परीक्षमा जीतपुरसिमरा उपमहानगरपालिकाभित्रका सामुदायिक विद्यालयबाट उत्कृष्ट जिपिए ल्याउने नेपाल राष्ट्र्रिय माध्यामिक विद्यालय सिमराका छात्रा आकृति पुलामी र सोही विद्यालयका छात्र मनिष पाठककलाई सम्मान गरिएको थियो ।
संस्थाका अध्यक्ष खरेलको अध्यक्षतामा भएको कार्यक्रममा संस्थाका उपाध्यक्ष भिमादेवी शर्माको स्वागत मन्तव्य रहेको थियो भने संस्थाका सचिव गीता शर्माले कार्यक्रम सञ्चालन गर्नुभएको थियो ।
