२०८१ मंसिर १२, बुधबार
७३५ पाठक संख्या सिमरा, २८ असारः सर्वोच्च अदालतले संसद पुनर्स्थापनाका लागि परमादेश जारी गरेपछि बाराको सिमरालगायत जिल्लाका विभिन्न भागमा दीप प्रज्जवलन गरिएको छ । नेपाली काँग्रेस लगायत विभिन्न पार्टीका कार्यकर्ताले न्यायलयमा न्याय मरेको रहेनछ भन्दै खुसीयालीमा दीप प्रज्वलन गरेका हुन् । बाराको सिमरामा नेपाली काँग्रेसका नेता तथा कार्यकर्ताले सर्वोच्चको फैसलालाई स्वागत गर्दै दिप प्रज्वलन गरेका छन् ।
दीप प्रज्वलन कार्यक्रममा जीतपुर सिमरा उपमहानगरपालिका का नेपाली काँग्रेसका नगर सभापति श्यामबावु गुप्ताको संयोजनमा भएको कार्यक्रममा जनता समाजवादी पार्टीका नेता सोहन शर्माले समेत मन्तव्य राख्नुभएको थियो । कार्यक्रममा वडा नं २ का अध्यक्ष दीपक पण्डित, सचिव सन्तोष कार्की, छविलाल शर्मा, राधादेवी साह, विनोद मण्डल, ठगई ठाकुर, नवीन बराल, विजय बम्जन, विष्णु लामिछानेलगायतको उपस्थिति थियो ।
यसैगरी वडा नं १ को पथलैया, वडा नं १५ को भारती चोकमा पनि दीप प्रज्वलन गरिएको छ ।
प्रतिगमन विरोधी पाँच दलीय गठबन्धनद्वारा सर्वोच्च अदालतको संसद पुनर्स्थापनको स्वागतमा दीपावली गरेको र तत्काल परमादेश कार्यान्वयनको लागि जोडदार माग गरिएको नेकपा माओवादीका युवा नेता भरत भण्डारीले बताउनुभयो ।
