खेल र मनोरञ्जनका नाममा अतिक्रमित हुँदै वन क्षेत्र

२०७८ आश्विन ११, सोमबार मा प्रकाशित (३ साल अघि) ७५१ पाठक संख्या

बिदुर खडका,
सिमरा, ११ असोजः हिन्दुहरूको महान चाड दशैँ नजिकिँदै गर्दा बनसँग जोडिएका वातावरण र पर्यावरण क्षेत्र भने चपेटामा पर्दै जान थालेका छन् ।

बाराको वन सिमानासंँग जोडिएको उत्तरी क्षेत्रमा बिभिन्न समूहले बन अतिक्रमण गरि बनाईएको फुटबल मैदान तथा धार्मिक स्थलको नामले बनाईएको मठ मंन्दिर पार्कमा मनोरंञ्जनको लागि बन सिमाना अतिक्रमण भएकोप्रति सचेत नागरिकहरूमा चिन्ता छाएको हो ।
जितपुर सिमरा उपमहानगरपालिकामा रहेको मुसरनीमाईदेखि भीमेश्वर वन समुहसंम्म एउटै वडाको वनसमितिभित्र ५ वटा फुटबल खेल मैदान रहेका छन । वन सीमाना र आरक्षसँग जोडिएको जीतपुर सिमरा नगर क्षेत्रको १, २, ४, १४, १५, १६ र १८नंम्बर वडामासमेत धार्मिक स्थलको नाममा बन सीमा क्षेत्र भित्र खेल मैदान,पाकर्, मठ,मंन्दिर बनाएको प्रति चिन्ता छाएको हो ।
बन क्षेत्रनजिक होहल्ला र बाताबरणमा दखल पारेमा बन र निकुन्जले सर्बसाधारणलाई कारबाही चलाएको धेरै उदारण भएपनि यस संम्बन्धमा भने संम्बन्धित निकाय मौन देखिन्छ ।
समाजकै लागि बन तथा वातारण भएपनि बाध्यता कारण बन अतिक्रमण भएको छ , यसप्रति सुधार ल्याउन जरुरी रहेको पर्सा राष्टिय निकुन्ज अंन्तरगत जनहित बन उपभोक्ता समितिका अध्यक्ष अमृतलाल श्रेष्टको स्वीकारोक्ति छ ।यता वन अतिक्रमण भएको क्षेत्र राधाकृष्ण सामुदायिक वन उपभोक्ता समितिका अध्यक्ष सत्य श्रेष्ठ भने अतिक्रमण क्षेत्रमा वृक्षारोपण गरी वडाभरि एकमात्र फुटबल मैदान बनाउन पहल गर्ने बताउनुहुन्छ ।