२०८१ कार्तिक ७, बुधबार
९९० पाठक संख्या सीता अधिकारी
सिमरा,८ मंसिरः बारा जिल्लाको उत्कृष्ट सहकारी सिमरा महिला बचत तथा ऋण सहकारी संस्था सिमराले किशोरीहरुका लागि एक हप्ते आत्मरक्षा तालिम दिन लागेको छ ।
महिला हिंसा विरुद्धको १६ दिने अभियान अन्तरगत महिला सहकारीका सेयर सदस्यका किशोरी छोरीहरुलाई आत्मरक्षासम्बन्धी तालिम दिन लागिएको संस्थाका अध्यक्ष अनिता लम्सालले बताउनुभयो ।
तालिम यही मंसिर १२ गते आइतबारबाट हुने बताइएको छ । तालिमबाट ४० जना किशोरी लाभान्वित हुनेछन् । अहिलेको सन्दर्भमा किशोरीहरुले विविध प्रकारका हिंसाबाट आफू जोगिन पनि आत्मरक्षा तालिम आवश्यक भएको बताएका छन् । तालिम नेपाल तेक्वान्दो सँघ प्रदेश कमिटिकी सदस्य एवं अन्तराष्ट्रिय खेलाडी यानकुमारी चौलागाईँले दिनुहुनेछ ।
