२०८१ कार्तिक ७, बुधबार
५०१ पाठक संख्या सीता अधिकारी
सिमरा,१६ पुसः नेपाली काँग्रेसका सहमहामन्त्री फरमुल्ला मन्सुरले बारा जिल्लाको काँग्रेसलाई एक ढिक्का बनाएर अघि बढाउने आफ्नो अभियान रहेको बताउनुभएको छ ।
सहमहामन्त्री मन्सुरको स्वागतमा भेला भएका बारा जिल्लाका सयौँ नेता तथा कार्यकर्तालाई राज्यका तिनै तहमा काँग्रेसलाई जिताउने अठोट मात्र लिन आग्रह समेत गर्नुभयो । मन्सुरले महाधिवेशनमा जो जताको गुट भएर हिँडेपनि अवको दिनमा सबै काँग्रेसको एउटै गुट र अठोट हुनुपर्ने बताउनुभयो । लोकतान्त्रिक पद्धतिमा आफ्नो पार्टीभित्र फरक मत राख्न पाइन्छ । त्यो एउटै पार्टी भित्रको आन्तरिक कुरा भएको र अवका दिनमा काँग्रेस सबै एकै हो मन्सुरको भनाइ थियो ।
ने का सहमहामन्त्रीलाई गृहजिल्लामा भव्य स्वागत,
उडान रद्द भएपछि हेलिकप्टरबाटै ओर्लिए कार्यकर्ता भेट्न
नेपाली काँग्रेसका सहमहामन्त्री फरमुल्ला मन्सुरलाई आज गृहजिल्लामा भव्य स्वागत गरिएको छ । बारा जिल्लाबाट केन्द्रमा सहमहामन्त्रीको पदमा पुग्नुभएको उहाँलाई कार्यकर्ताहरुले भव्य स्वागत गरेका हुन् ।
नेपाली काँग्रेसको चौधौँ महाधिवेशनमा सहमहामन्त्रीको पदमा निर्वाचित भएपछि मन्सुर पहिलोपटक गृह जिल्ला बारा आउनुभएको हो । सिमराको मौसम विहानैदेखि प्रतिकूल भएकोले सहमहामन्त्री मन्सुर आउने समयमा उडान नै रद्द गरिएको थियो । विमानस्थलको कार्यालयले भिजिविलिटि कम भएर उडान हुन नसक्ने बताएपछि मन्सुर हेलिकप्टरबाट गृहजिल्लामा झर्नुभएको हो ।
सिमरा विमानस्थलमा जिल्लाका सयौँ नेता तथा कार्यकर्ताको उपस्थिति रहेको थियो । सिमराबाट वडहर्वा हुँदै कलैया जाने कार्यक्रम रहेको छ ।
