२०८१ मंसिर १०, सोमबार
४६८ पाठक संख्या सीता अधिकारी
सिमरा, १० भदौः सिमरा महिला साकोसको १५ औँ साधारणसभाको तयारी बैेठक सम्पन्न भएको छ । 
बाराको सिमरामा रहेको सिमरा महिला वचत तथा ऋण सहकारी संस्थाको यही भदौ १८ गते विहान १० बजे थानीमाइ सामुदायिक वनको सभाहलमा हुन लागेको साधारण सभाका लागि तयारी बैठक सम्पन्न भएको हो ।
साधारणसभालाई भव्य र सभ्य रुपमा सम्पन्न गर्नका लागि बैठकले विभिन्न उपसमिति समेत गठन गरेको छ । संस्थाका अध्यक्ष अनिता लम्सालको अध्यक्षतामा भएको बैठकमा मञ्च व्यवस्थापन उपसमिति, अतिथि सत्कार उपसमिति, खानेपानी व्यवस्थापन उपसमिति, खाजा व्यवस्थापन उपसमिति, नाम दर्ता उपसमितिलगायतका उपसमिति गठन गरिएको संस्थाका कोषाध्यक्ष गीता शर्माले बताउनुभयो ।
संस्थाका सचिव भिमादेवी शर्माले सञ्चालन गर्नुभएको कार्यक्रममा संस्थाका उपाध्यक्ष मुना खरेल, सदस्य सनम पौडेल, शान्ता कुमारी गौतम लगायत उपसमितिका संयोजक तथा सदस्यहरुको सहभागिता रहेको थियो ।
