२०८१ मंसिर ८, शनिबार
६३१ पाठक संख्या सयपत्री समाचारदाता
सिमरा, ३ साउनः नेपाल राष्ट्रिय नमुना मावि सिमराले कक्षा ११ को नयाँ भर्नाको लागि प्रवेश परीक्षा लिएको छ । गुणस्तरीय सिकाइ र शिक्षाका लागि विद्यालयले प्रवेश परीक्षा लिएको हो ।
बुधबार विद्यालयमा लिएको प्रवेश परीक्षामा २ सय ४७ जनाले सहभागिता जनाएकोमा एक सय ७६ जना मात्र उत्तीर्ण हुन सफल भएका छन् । ७ जनालाई वेटिंग लिस्टमा राखिएको विद्यालयले जनाएको छ ।
अनुत्तीर्ण भएका विद्यार्थीले एकपटकका लागि मौका परीक्षा दिन पाउनेछन् । यदी त्यसमा पनि अनुत्तीण भएमा विद्यालयमा भर्ना हुन पाउने छैनन् । मध्य तराइमै छुट्टै पहिचान बनाउन सफल भएको यस विद्यालयले आधुनिक विज्ञान प्रयोगशालासहित व्यवस्थापन संकायमा आधुनिक कम्प्यूटर प्रयोगशालासहित सैद्धान्तिक र प्रयोगात्मक शिक्षा दिँदै आएको छ ।
हाल विद्यालयमा विज्ञान, मानविकी, शिक्षा शास्त्र र व्यवस्थापन संकाय सञ्चालन गर्दै आएको छ । प्रवेश परीक्षका सम्वन्धमा विद्यालयका प्रधानाध्यापक शंकर आचार्य भन्नुहुन्छ, ‘हाम्रो विद्यालय सामुदायिक भएकोले सबै खाले विदार्थीहरु भर्ना गर्नुपर्ने बाध्यता छ तर यसपटक हामीले लिएको प्रवेश परीक्षामा धेरै विद्यार्थीहरु अनुत्तीर्ण भएका छन् ।
प्रधानाध्यापक आचार्यले विगतका नतीजालाई हेर्दा विद्यालयमा भर्ना भएका धेरै विद्यार्थीहरुले उच्च शिक्षाको लागि महत्वपूर्ण स्थान पाएका छन् र विद्यालयले अझ नतीजालाई गुणात्मक बनाउनका लागि हरसम्भव प्रयास गरिएको बताउनुभयो । उहाँ हाल विद्यालयमा विद्यार्थीको आकर्षण पनि बढ्दै गएको र आउँदो दिनमा अझ राम्रो बनाउने प्रयासमा रहेको समेत दावी गर्नुभयो ।
