२०८१ मंसिर ७, शुक्रबार
४७२ पाठक संख्या सीता अधिकारी
सिमरा, २४ कात्तिकः जीतपुरसिमरा उपमहानगरपालिकाले आर्थिक वर्ष २०८०/०८१को लागि स्वीकृत भएको वडास्तरीय योजनाहरुको ३० प्रतिशत बजेट कटौती गरेको छ । वडास्तरीय कार्यक्रम तथा योजनाहरु कार्यान्वयन गर्ने सन्दर्भमा यही कात्तिक २२ गते नगरप्रमुख राजन पौडेलको अधयक्षतामा बसेको बैठकले चालु आर्थिक वर्षमा स्वीकृत योजनाका लागि ३० प्रतिशत बजेट कटौती गर्ने निर्णय गरेको हो ।
जीतपुरसिमरा उपमहानगरका योजना अधिकृत बालाराम खड्काद्वारा हस्ताक्षरित पत्रमा उपमहानगरपालिकाको कूल बजेटको करिब ३० प्रतिशत घाटा बजेट रहेको सन्दर्भमा वडागत योजना तथा कार्यक्रमहरु कार्यान्वयन सम्झौता गर्दा वडास्तरीय चालु र पूँजिगततर्फका दुवै भुक्तानी गर्न ७० प्रतिशत रकमको सीमामा रही संख्यासमेत यकिन गरी आगामी मंसिर मसान्तसम्ममा खरिद विधिसमेत छनोट गरेर फागुन मसान्तभित्र खरिद सम्झौता गर्ने गरी योजना तथा कार्यक्रमहरु कार्यान्वयन प्रक्रियाअघि बढाउन अनुरोध गरिएको व्यहोरा उल्लेख गरिएको छ ।हेर्नुहोसःपत्रको व्यहोरा
नगरपालिकामा यस आर्थिक वर्षको साउनदेखि हालसम्म ६ करोड १६ लाख ४ हजार ९ सय ८१ रुपियाँ राजश्व संकलन भएको राजश्व शाखा प्रमुख रमेश सुवेदीले जानकारी दिनुभयो ।
हेर्नुहोसःपत्र
