२०८१ मंसिर ७, शुक्रबार
२९५ पाठक संख्या सयपत्री समाचारदाता
सिमरा, १२ मंसिरः अन्तर्राष्ट्रिय अपांगता दिवसको अवसरमा बाराको सिमरामा रक्तदान कार्यक्रमको आयोजना गरिने भएको छ । नेपाल अपांग सेवा सँघ बारा र जीतपुरसिमरा उपमहानगरपालिकाको आयोजनामा आउँदो शनिबार रक्तदान कार्यक्रमको आयोजना गरिन लागिएको हो ।
अन्तर्राष्ट्रिय अपांगता दिवस ३ डिसेम्बरको अवसरमा यही मंसिर १६ गते दिगो विकास लक्ष्य प्राप्तिको प्रतिवद्धताः अपांगता भएका व्यक्तिको अप्नत्व र नेतृत्वसहित ऐक्यवद्धता भन्ने मूल नाराका साथ रक्तदान कार्यक्रम आयोजना गरिएको नेपाल अपांग सेवा सँघ बाराका अध्यक्ष गंगा वाग्लेले जाकारी दिनुभयो । नेपाल अपांग सेवा सँघ बाराको कार्यालय हाताभित्र आयोजना गरिने रक्तदान कार्यक्रम शनिबार विशान ८ बजे देखि सुरु हुने बताइएको छ ।
यसैगरी मंसिर १६ गते आइतबार अपांगता भएका बालबालिकासँग खेलकुद कार्यक्रम आयोजना गरिनेछ । कार्यक्रमलाई जेजेवाइसी बारा, नेत्रहिन युवा सँघ बारा, बहिरा सँघ बारा, लाइन्स क्लब अफ जीतपुरसिमरा, रोट्रा क्लब सिमरा, सिमरा जेशिसलगायतले सहयोग गर्ने बताइएको छ ।
