२०८१ मंसिर ७, शुक्रबार
५०० पाठक संख्या सयपत्री समाचारदाता
सिमरा, २३ फागुनः सिमरा महिला बचत तथा ऋण सहकारी संस्थाले बुधबार जीतपुरसिमरा नगर अस्पताललाई एक सय थान बेबी ब्ल्यांकेट हस्तान्तरण गरेको छ । १ सय १४ औँ अन्तराष्ट्रिय नारी दिवसको अवसर पारेर अस्पतालमा जन्मिएका शिशुहरुको स्वास्थ्य सुरक्षालाई ध्यानमा राख्दै साकोसले अस्पताल प्रशासनलाई बेबी व्ल्यांकेट हस्तान्तरण गरेको हो ।
जीतपुरसिमरा उपमहानगरपालिका वडा नं १४ की वडाध्यक्ष एवं कार्यक्रमका प्रमुख अतिथि चयन मगरले अघिल्लो दिन अस्पतालमा प्रजनन भएका दुई दिने नवजात शिशुलाई व्ल्यांकेट ओढाएर कार्यक्रमको शुभारम्भ गर्नुभएको थियो ।
कार्यक्रममा जीतपुरसिमरा उपमहानगरपालिका वडा नं २ का कार्यवाहक अध्यक्ष उद्धवप्रसाद गौतम, नेपाली काँग्रेसका केन्द्रीय सदस्य नारायणी रायमाझी, नेकपा माओवादी पार्टीका केन्द्रीय सदस्य गीता कँडेल, जीतपुरसिमरा उपमहानगरपालिकाका पूर्व कार्यपालिका सदस्य सुमित्रा कार्की, जीतपुरसिमरा अस्पताल प्रमुख प्रकाश साह, अस्पतालका जनस्वास्थ्य अधिकृत अशोक जैसवाल, इलाका प्रहरी कार्यालय महिला बालबालिका सेवा केन्द्रकी पार्वती बोहोरा, सिमरा महिला साकोसकी पूर्व अध्यक्ष एवं सल्लाहकार अनिता लम्साल, लेखा समिति संयोजक उर्मिला सापकोटालगायत सञ्चालक समितिका सदस्य, कर्मचारीलगायतको उपस्थिति रहेको थियो ।
साकोसका अध्यक्ष मुना खरेलको अध्यक्षतामा भएको कार्यक्रमको सञ्चालन सचिव गीता शर्माले गर्नुभएको थियो भने स्वागत संस्थाका उपाध्यक्ष भिमादेवी शर्माले गर्नुभएको थियो ।
