२०८२ पौष ६, आईतबार
४७८ पाठक संख्या सयपत्री समाचारदाता
सिमरा, १७ माघः बाराको सिमरामा रहेको लोटस एकेडेमीले मधेस प्रदेशमै पहिलो पटक खुला र्स्क्याबल टुर्नामेन्टको आयोजना गरेको छ । जिल्लास्तरमा छनौट भएर एकैचोटी विद्यार्थीहरुले राष्ट्रियस्तरमा भाग लिँदै आएका थिए । लोटस एकेडेमीले देशभरि मै पहिलो पटक प्रदेशस्तरीय टुर्नामेन्टको आयोजना गरेको हो ।
बिहिबारबाट सुरु भएको टुर्नामेन्टको उदघाटन बारा क्षेत्र नं ४ क का साँसद देवनारायण चौधरीले गर्नुभएको थियो । शुक्रबारसम्म सञ्चालन हुने खेलमा मधेस प्रदेशका सिराहा, धनुषा, बारा र पर्साका विद्यार्थीहरुले सहभागिता जनाएको र्स्क्याबल खेलका संयोजक सुभाष अधिकारीले जानकारी दिनुभयो । टुर्नामेन्टमा एउटा सामुदायिक विद्यालय र १४ ओटा संस्थागत विद्यालयका छात्रछात्राले भाग लिएका छन् ।
सन् १९४८ मा अमेरिकामा सुरु भएको र्स्क्याबल खेल नेपालमा पहिलोचोटी सन् २०१५मा अंग्रेजी शब्दका लागि सुरुवात गरिएको थियो । यो खेलले विद्यार्थीमा सिकाइप्रति उत्प्रेरणा जाग्ने, शब्दभण्डारको वृद्धि हुने, खेलखेलमै सिकाइ हुने, शब्दको हिज्जे मिलाउन सिकिने हुन्छ । र्स्क्याबल खेलको नेपाली रुपान्तरण नभइसकेपनि यो कोठेपद र शब्दजालजस्ता शब्द पनि प्रयोग गर्न सकिने बताइन्छ ।
।
